14 NQE KEVNTSEEG
HMONG
Daim “Statement Fundamental of Faith” qhia hais txog 14 nqe kev ntseeg ntawm Salvation Church of God, Inc.
PEB TXOJKEV NTSEEG
Peb ntseeg hais tias muaj tib tug Vajtswv xwbnkaus. Nws yog tus tsim ntuj tsim teb thiab Nws yeej ibtxwm nyob thaum chivkeeb los lawm. Tus TSWV xeevxwm yog vajpebleeg: leej Txiv, leej Tub – Yexus Khetos thiab Vajntsujplig tus Dawbhuv. Tsis muaj dua lwm tus vajtswv nyob yav dhau los lossis yav tom ntej.
Peb ntseeg hais tias phau Vajlugkub Qub thiab Vajlugkub Tshiab yog Vajtswv Txojlus tseeb. Vajtswv Txojlus tsis muaj ib qho yuamkev thiab yog Txojlus qhia peb ua neej.
Peb ntseeg hais tias Vajtswv tsim noobneej muaj Vajtswv tus yamntxwv zoo li Nws. Vajtswv tsim txhua yam uas peb lub qhovmuag pom, qhovmuag tsis pom, yam uas nyob saum ntuj, nyob hauv ntiajteb, yam uas nyob hauv qab vuamsaws uas muaj nyob thiab tsis muaj nyob huv tibsi.
Peb ntseeg hais tias noobneej yog Vajtswv tsim los nrog Vajtswv sib raug zoo. Vim noobneej tsis mloog Vajtswv lus, noobneej thiaj mus noj lub txiv ntoo uas txwv tsis pub noj, noobneej thiaj tau txais lub cim tuag.
Peb ntseeg hais tias kev cawmdim yog los ntawm Vajtswv tus Tub, Yexus Khetos cov ntshav uas dawbhuv. Tsis muaj leejtwg yuav mus cuag tau Vajtswv tsuas yog los ntawm Yexus Khetos xwb. Vajtswv Txolus yug los ua neeg. Los ntawm Nws txojsia, txojkev tuag, thiab sawv hauv qhov tuag rovqab los, Vajtswv pub peb muaj lub neej tshiab.
Peb ntseeg hais tias txhua tus ntseeg koom ua ib lub cev ntawm Tswv Yexus thiab Vajtswv muab peb ib leeg muaj ib tegnum pab tshaj Nws txojmoo zoo. Peb cov uas ntseeg muaj kev tuaj pehawm Vajtswv uake, taij thov Vajtswv, thiab ua Nws tegnum.
Peb ntseeg hais tias Vajntsujplig tus Dawbhuv yog tus pab uas Yexus Khetos txib los pab peb thiab txhawb peb lub zog. Tus uas ntseeg Yexus Khetos tus ntawd yuav tau ua kevcai raus los ntawm dej thiab yug dua tshiab hauv Vajntsujplig tus Dawbhuv. Tus uas yug dua tshiab hauv Vajntsujplig tus Dawbhuv lawm nws yuav hais tau lus txawv-txawv. Txhua tus ntseeg yuav tau nrhiav Vajtswv thiab yug dua tshiab hauv Vajntsujplig tus Dawbhuv.
Peb ntseeg hais tias los ntawm Vajntsujplig tus Dawbhuv lub hwjchim, txhua tus ntseeg yuav tsum xyaum ua lawv li Vajtswv lolus samhwm hais tias, “Nej yuav tsum hlub Vajtswv kawg siab kawg plawv, hlub koj tus yeebncuab ib yam li koj lub cev, thiab nej yuav tsum ua neeg dawbhuv rau qhov kuv yog tus uas dawbhuv.” Thiab los ntawm Vajntsujplig tus Dawbhuv lub hwjchim, peb yuav ua tau lub neej haum Vajtswv siab tsis mus ua kev nkauj kev nraug thiab kev phem kev qhia.
Peb ntseeg hais tias Vajtswv samhwm kom cov ntseeg cia li tawm mus qhia txhua haivneeg hauv qab ntuj no kom lawv hnov, paub, ntseeg thiab los txais Nws ua lawv tus Tswv thiab tus Cawmseej.
Peb ntseeg hais tias lub hwjchim kho mob nkeeg, ntiab dab, thiab tej txujci yog los ntawm Yexus Khetos thiab Nws pub nws lub hwjchim rau nws cov thwjtim.
Peb ntseeg hais tias thaum tus Tswv Yexus Khets rov qab los saum ntuj los, cov uas ntseeg Yexus Khetos uas pws tsaug zog (nruamsim) lawm yuav sawv rov qab los. Cov ciaj thiab cov tuag yuav mus ntsib tus Tswv Yexus Khetos saum ib nta ntuaj.
Peb ntseeg hais tias cov ntseeg uas dawbhuv yuav nrog Yexus Khetos kav ibtxhiab xyoo ua ntej yuav muaj kev txiavtxim zaum ob.
Peb ntseeg hais tias txhua tus neeg tsis hais tus uas muaj sia thiab tsis muaj sia lawm yuav tau los sawv ntawm tus Tswv lub rooj Txiavtxim. Tus Tswv yuav txiavtxim raws li nyias tegnum ua yav tag los. Cov uas ntseeg tus Tswv Yexus Khetos yuav tau nrog Nws nyob mus ib txhis, tus uas ua kev phem kev qias tus ntawd yuav raug muab pov rau hauv lub pasdej kub tsis txawj tuag.
Peb ntseeg hais tias lub ntuj Ceebtsheej Tshiab thiab Ntiajteb Tshiab yuav tshwm tuaj. Lub ceebtsheej qub thiab ntiajteb qub yuav ploj mus. Cov ntseeg uas dawbhuv yuav mus nyob hauv lub ceebtsheej tshiab thiab ntiajteb tshiab mus ibtxhis.